കുവൈത്തിൽ വ്യാ​പ​ക​മാ​യി പെ​യ്ത മ​ഴ വി​വി​ധ ഇ​ട​ങ്ങ​ളി​ൽ വെ​ള്ള​ക്കെ​ട്ടി​നി​ട​യാ​ക്കി. തി​ങ്ക​ളാ​ഴ്ച വൈ​കീ​ട്ടോ​ടെ​യാ​ണ് പ​ല​യി​ട​ത്തു​നി​ന്നും വെ​ള്ള​ക്കെ​ട്ട് നീ​ക്ക​ൽ പൂ​ർ​ണ​മാ​യ​ത്. പ​ക​ൽ ശാ​ന്ത​മാ​യി​രു​ന്ന മ​ഴ രാ​ത്രി​യോ​ടെ ശ​ക്തി​പ്പെ​ട്ട​താ​ണ് വെ​ള്ള​ക്കെ​ട്ടി​ന് കാ​ര​ണ​മാ​ക്കി​യ​ത്.

റോ​ഡു​ക​ൾ, താ​ഴ്ന്ന ഇ​ട​ങ്ങ​ൾ എ​ന്നി​വി​ട​ങ്ങ​ളി​ൽ വെ​ള്ളം നി​റ​ഞ്ഞ​ത് ഗ​താ​ഗ​ത​ക്കു​രു​ക്കി​നി​ട​യാ​ക്കി. ഞാ​യ​റാ​ഴ്ച രാ​​ത്രി പ​ല​യി​ട​ത്തും ഗ​താ​ഗ​തം സ്തം​ഭി​ച്ചു. ഗ​സാ​ലി പാ​ല​ത്തി​നു താ​ഴെ​യും ഗ​സാ​ലി റോ​ഡു​മാ​യു​ള്ള നാ​ലാം റി​ങ് റോ​ഡ് ഇ​ന്റ​ർ​സെ​ക്ഷ​നി​ലും വ​ലി​യ വെ​ള്ള​ക്കെ​ട്ടാ​ണ് ഉ​ട​ലെ​ടു​ത്ത​ത്. ഇ​വി​ടെ നി​ര​വ​ധി വാ​ഹ​ന​ങ്ങ​ൾ വെ​ള്ള​ത്തി​ൽ കു​രു​ങ്ങി. നാ​ഷ​ന​ൽ ഗാ​ർ​ഡ് ടീ​മു​ക​ൾ വാ​ഹ​ന​ങ്ങ​ൾ നീ​ക്കം​ചെ​യ്യു​ക​യും വെ​ള്ളം വ​റ്റി​ക്കു​ക​യും ചെ​യ്യു​ന്ന​ത് തി​ങ്ക​ളാ​ഴ്ച​യും തു​ട​ർ​ന്നു.

അ​ൽ മ​ഗ്‌​രി​ബ് റോ​ഡും ഫോ​ർ​ത്ത് റി​ങ് റോ​ഡും വെ​ള്ള​ക്കെ​ട്ട് പൂ​ർ​ണ​മാ​യും മാ​റു​ന്ന​തു​വ​രെ അ​ട​ച്ചി​ട്ടു. ഫോ​ർ​ത്ത് റി​ങ് റോ​ഡി​ൽ​നി​ന്ന് അ​ഹ​മ്മ​ദി​യി​ലേ​ക്കു മാ​ത്ര​മാ​ണ് തി​ങ്ക​ളാ​ഴ്ച രാ​വി​ലെ പ്ര​വേ​ശ​നം അ​നു​വ​ദി​ച്ച​ത്.