കാ​ഞ്ഞ​ങ്ങാ​ട്: പാ​ണ​ത്തൂ​രി​ൽ ഗൃ​ഹ​നാ​ഥ​നെ കൊ​ല്ല​പ്പെ​ടു​ത്തി​യ കേ​സി​ൽ പ്ര​തി​ക​ളാ​യ ഭാ​ര്യ​യെ​യും മ​ക​നെ​യും കോ​ട​തി പൊ​ലീ​സ് ക​സ്റ്റ​ഡി​യി​ൽ വി​ട്ടു. പാ​ണ​ത്തൂ​ർ പു​ത്തൂ​ര​ടു​ക്ക​ത്തെ പ​ന​ച്ചി​ക്കാ​ട് വീ​ട്ടി​ൽ പി.​വി. ബാ​ബു (54) കൊ​ല്ല​പ്പെ​ട്ട കേ​സി​ൽ ഭാ​ര്യ സീ​മന്തിനി (46), മൂ​ത്ത മ​ക​ൻ സ​ബി​ൻ (19) എ​ന്നി​വ​രെ​യാ​ണ് ര​ണ്ട് ദി​വ​സ​ത്തേ​ക്ക് പൊ​ലീ​സി​ന് വി​ട്ടു ന​ൽ​കി​യ​ത്.

ഇ​വ​രെ ക​സ്റ്റ​ഡി​യി​ൽ ആ​വ​ശ്യ​പ്പെ​ട്ട് രാ​ജ​പു​രം പൊ​ലീ​സ് അ​ന്വേ​ഷ​ണ സം​ഘം ഹോ​സ് ദു​ർ​ഗ് ജു​ഡീ​ഷ്യ​ൽ ഒ​ന്നാം ക്ലാ​സ് മ​ജി​സ്ട്രേ​റ്റ് ഒ​ന്ന് കോ​ട​തി​യി​ൽ അ​പേ​ക്ഷ ന​ൽ​കി​യി​രു​ന്നു. ഇ​ൻ​സ്പെ​ക്ട​ർ കെ. ​കൃ​ഷ്ണ​ൻ, എ​സ്.​ഐ മ​നോ​ജ് കു​മാ​റി​ന്‍റെ​യും നേ​തൃ​ത്വ​ത്തി​ൽ പ്ര​തി​ക​ളെ കൊ​ല ന​ട​ന്ന വീ​ട്ടി​ലെ​ത്തി​ച്ച് അ​ന്വേ​ഷ​ണം ന​ട​ത്തി.

ഭാ​ര്യ​യു​മാ​യു​ള്ള ക​ല​ഹ​ത്തി​നി​ട​യി​ലാ​ണ് ബാ​ബു കൊ​ല്ല​പ്പെ​ട്ട​ത്. ത​ല​ക്കും കാ​ലി​ൽ ഉ​ൾ​പ്പെ​ടെ പ​രി​ക്കേ​ൽ​പ്പി​ച്ച ആ​യു​ധ​ങ്ങ​ൾ നേ​ര​ത്തെ ക​ണ്ടെ​ത്തി. കൊ​ല ന​ട​ന്ന വീ​ട്ടി​ലെ​ത്തി​ച്ച് പ്ര​തി​ക​ളെ തെ​ളി​വെ​ടു​പ്പ് പൂ​ർ​ത്തി​യാ​ക്കി​യ​താ​യി പൊ​ലീ​സ് പ​റ​ഞ്ഞു.