ദോ​ഹ: ജൂ​ഡോ ലോ​ക ചാ​മ്പ്യ​ൻ​ഷി​പ് പോ​രാ​ട്ട​ങ്ങ​ൾ​ക്ക് അ​ലി ബി​ൻ ഹ​മ​ദ് അ​ൽ അ​തി​യ്യ അ​റീ​ന​യി​ലെ പ​ല രാ​ജ്യ​ങ്ങ​ളി​ൽ നി​ന്നു​ള്ള കാ​ണി​ക​ളാ​ൽ നി​റ​ഞ്ഞ ഗാ​ല​റി​ക്കു മു​ന്നി​ൽ തു​ട​ക്ക​മാ​യി. മേ​യ് 14 വ​രെ ന​ട​ക്കു​ന്ന ചാ​മ്പ്യ​ൻ​ഷി​പ്പി​ന്റെ ആ​ദ്യ ദി​ന​ത്തി​ൽ ര​ണ്ടു വി​ഭാ​ഗ​ങ്ങ​ളി​ലെ മ​ത്സ​ര​ങ്ങ​ളാ​ണ് നടന്നത്. പു​രു​ഷ വി​ഭാ​ഗ​ത്തി​ൽ 60 കി​ലോ​യി​ലും, വ​നി​ത​ക​ളി​ൽ 48 കി​ലോ​യി​ലു​മാ​യി ര​ണ്ട് ഘ​ട്ട​ങ്ങ​ളി​ലാ​യി മ​ത്സ​ര​ങ്ങ​ൾ ന​ട​ന്നു. രാ​വി​ലെ 11ന് ​​പ്രാ​ഥ​മി​ക റൗ​ണ്ട് മ​ത്സ​ര​ങ്ങ​ൾ പൂ​ർ​ത്തി​യാ​യ ശേ​ഷം, വൈ​കു​ന്നേ​രം ആ​റ് മു​ത​ലാ​യി​രു​ന്നു ഫൈ​ന​ൽ റൗ​ണ്ട്.

ആ​ദ്യ ദി​ന​ത്തി​ൽ സ്‍പെ​യി​നും ജ​പ്പാ​നും സ്വ​ർ​ണം നേ​ടി​യ പോ​രാ​ട്ട​ങ്ങ​ൾ തു​ട​ക്കം കു​റി​ച്ചു. പു​രു​ഷ വി​ഭാ​ഗ​ത്തി​ൽ സ്‍പെ​യി​നി​ന്റെ ഫ്രാ​ൻ​സി​സ്കോ ഗ​രി​ഗോ​സി​നാ​യി​രു​ന്നു ആ​ദ്യ സ്വ​ർ​ണം നേടിയത്. ഉ​സ്ബ​കി​സ്താ​ന്റെ ദി​ൽ​ഷോ​ദ്ബെ​ക് ബ​ര​തോ​വ് വെ​ള്ളി​യും കൊ​റി​യ​യു​ടെ ഹാ​രിം ലീ​യും ജോ​ർ​ജി​യ​യു​ടെ ജോ​ർ​ജി​യോ സ​ർ​ദ​ലാ​വി​ലി​യും വെ​ങ്ക​ലം നേ​ടി.

വ​നി​ത​ക​ളു​ടെ 48 കി​ലോ​യി​ൽ ജ​പ്പാ​ന്റെ ന​റ്റ്സു​മി സു​നോ​ഡ സ്വ​ർ​ണം നേ​ടി. ഏ​ഷ്യ​ൻ ഗെ​യിം​സ് സ്വ​ർ​ണ ജേ​താ​വാ​യ ന​റ്റ്സു​മി തു​ട​ർ​ച്ച​യാ​യി മൂ​ന്നാം ത​വ​ണ​യാ​ണ് ഇ​തേ വി​ഭാ​ഗ​ത്തി​ൽ സ്വ​ർ​ണം നേ​ടു​ന്ന​ത്. 2017ൽ ​വെ​ള്ളി നേ​ടി​യ ഇ​വ​ർ, 2021, 2022 വ​ർ​ഷ​ങ്ങ​ളി​ൽ സ്വ​ർ​ണം നേ​ടി​യി​രു​ന്നു. ഫ്രാ​ൻ​സി​ന്റെ ഷി​റി​ൻ ബൗ​ക്‍ലി വെ​ള്ളി നേ​ടി. ഇ​റ്റ​ലി​യു​ടെ അ​സു​ന്റ സ്കു​ട്ടോ, ജ​പ്പാ​ന്റെ വ​കാ​ന കോ​ഗോ എ​ന്നി​വ​ർ വെ​ങ്ക​ലം നേ​ടി.

ര​ണ്ടാം ദി​ന​മാ​യ തി​ങ്ക​ളാ​ഴ്ച വ​നി​ത​ക​ളു​ടെ 52 കി​ലോ​യി​ലും, പു​രു​ഷ​ന്മാ​രു​ടെ 66 കി​ലോ​യി​ലും മ​ത്സ​ര​ങ്ങ​ൾ ന​ട​ക്കും. വൈ​കു​ന്നേ​രം അ​ഞ്ചു മ​ണി​ക്കാ​ണ് ചാ​മ്പ്യ​ൻ​ഷി​പ്പി​ന്റെ ഉ​ദ്ഘാ​ട​ന ച​ട​ങ്ങ്. തു​ട​ർ​ന്ന് ഫൈ​ന​ൽ മ​ത്സ​ര​ങ്ങ​ളും ന​ട​ക്കും.