മ​സ്കറ്റ്: ജൂ​ൺ ഒ​ന്ന് മു​ത​ൽ ടാ​ക്സി​ക​ളി​ൽ മീ​റ്റ​റു​ക​ൾ സ്ഥാ​പി​ക്കു​ന്ന​ത് നിർബന്ധമാക്കി. ചെ​റി​യ ടാ​ക്സി​ക​ളി​ൽ മീ​റ്റ​ർ ഘ​ടി​പ്പി​ക്കു​ന്ന​തോ​ടെ കു​റ​ഞ്ഞ വ​രു​മാ​ന​ക്കാ​രി​ൽ പ​ല​രും താ​ര​ത​മ്യേ​ന ചെ​ല​വ് കു​റ​ഞ്ഞ ബ​സു​ക​ളി​ലും മി​നി ബ​സു​ക​ളി​ലും യാ​ത്ര​ചെ​യ്യാ​നാ​ണ് സാ​ധ്യ​ത. ഇ​തോ​ടെ മു​വാ​സ​ലാ​ത്ത് ബ​സു​ക​ളി​ലും മി​നി ബ​സു​ക​ളി​ലും തി​ര​ക്ക് വ​ർ​ധി​ക്കും.

ടാ​ക്സി​ക​ളി​ൽ മീ​റ്റ​റു​ക​ൾ ഘ​ടി​പ്പി​ക്കു​ന്ന​ത് വി​നോ​ദ സ​ഞ്ചാ​രി​ക​ൾ​ക്കും ഉ​യ​ർ​ന്ന ശ​മ്പ​ള​ക്കാ​ർ​ക്കും അ​നു​ഗ്ര​ഹ​മാ​ണെ​ങ്കി​ലും ചെ​റി​യ ശ​മ്പ​ള​ക്കാ​ർ​ക്ക് അത് പ്ര​തി​സ​ന്ധി​ക​ൾ ഉ​ണ്ടാ​ക്കും. മീ​റ്റ​ർ ടാ​ക്സി​ക​ളു​ടെ നി​ര​ക്കു​ക​ൾ ആ​രം​ഭി​ക്കു​ന്ന​ത് 300 ബൈ​സ​യി​ലാ​ണ്. പി​ന്നീ​ടു​ള്ള ഓ​രോ കി​ലോ മീ​റ്റ​റി​നും 130 ബൈ​സ വീ​തം ന​ൽ​ക​ണം. ഇ​ത​നു​സ​രി​ച്ച് മീ​റ്റ​ർ ടാ​ക്സി​യി​ൽ പ​ത്ത് കി​ലോ​മീ​റ്റ​റെ​ങ്കി​ലും യാ​ത്ര ചെ​യ്യു​ന്ന​വ​ർ 1.600 ബൈ​സ​യെ​ങ്കി​ലും ന​ൽ​കേ​ണ്ടി വ​രും. ഇ​ത് യാ​ത്ര​ക്കാ​രി​ൽ​നി​ന്നും വീ​തി​ച്ചെ​ടു​ക്കു​മ്പോ​ൾ ഒ​രാ​ൾ 400 ബൈ​സ​യാ​കും. ഇ​പ്പോ​ൾ ഷെ​യ​റി​ങ് ടാ​ക്സി​യി​ൽ യാ​ത്ര ചെ​യ്യു​ന്ന​വ​ർ 300 ബൈ​സ​യാ​ണ് ഇ​ത്ര​യും യാ​ത്ര​ക്ക് ന​ൽ​കു​ന്ന​ത്.

മീ​റ്റ​ർ ടാ​ക്സി നി​ല​വി​ൽ വ​രു​ന്ന​ത് പ്ര​ധാ​ന ന​ഗ​ര​ങ്ങ​ളി​ൽ​ നി​ന്ന് വി​ട്ട് ചെ​റി​യ സ്റ്റോ​പ്പു​ക​ളി​ൽ വാ​ഹ​നം കാ​ത്തു​നി​ൽ​ക്കു​ന്ന​വ​ർ​ക്ക് വ​ലി​യ പ്ര​തി​സ​ന്ധി​യാ​വും. ഇ​ത്ത​ര​ക്കാ​ർ​ക്ക് മീ​റ്റ​ർ ടാ​ക്സി​യു​ടെ സൗ​ക​ര്യം ഉ​പ​യോ​ഗ​പ്പെ​ടു​ത്താ​ൻ ക​ഴി​യി​ല്ല. മീ​റ്റ​ർ ടാ​ക്സി​ക​ൾ പ​ല​തും ന​ഗ​ര​ങ്ങ​ളി​ൽ കേ​ന്ദ്രീ​ക​രി​ക്കു​ന്ന​തി​നാ​ൽ ഇ​വ​യു​ടെ സേ​വ​നം ചെ​റി​യ സ്റ്റോ​പ്പു​ക​ളി​ൽ കി​ട്ടാ​നി​ട​യി​ല്ല. കി​ട്ടി​യാ​ൽ​ത​ന്നെ നി​ര​ക്കു​ക​ൾ ഷെ​യ​ർ ചെ​യ്യാ​ൻ സ​ഹ യാ​ത്ര​ക്കാ​രെ​യും ല​ഭി​ക്കി​ല്ല. അ​തി​നാ​ൽ, ഇ​ത്ത​ര​ക്കാ​ർ മു​ഴു​വ​ൻ നി​ര​ക്കു​ക​ളും ന​ൽ​കേ​ണ്ടി വ​രും.