കാ​യം​കു​ളം: വി​ദേ​ശ​ത്ത് ജോ​ലി വാഗ്ദാനം ചെയ്ത് നി​ര​വ​ധി യു​വാ​ക്ക​ളി​ൽ​ നി​ന്ന്​ ല​ക്ഷ​ങ്ങ​ൾ ത​ട്ടി​യ കേ​സി​ൽ ട്രാ​വ​ൽ​സ് ഉ​ട​മ അ​റ​സ്റ്റി​ൽ. പു​തു​പ്പ​ള്ളി ഗോ​വി​ന്ദ​മു​ട്ടം അ​നി​ത ട്രാ​വ​ൽ​സ് ഉ​ട​മ ക​ണ്ണ​മം​ഗ​ലം ഈ​രേ​ഴ വ​ട​ക്ക് കു​റ്റി​യി​ൽ പ​ടീ​റ്റ​തി​ൽ വീ​ട്ടി​ൽ​ കൃ​ഷ്ണ​കു​മാ​ർ (ശി​വ​ര​ശ​ൻ ശ്രീ​കു​മാ​ർ 50) ആണ് പൊ​ലീ​സിന്റെ പി​ടി​യി​ലാ​യ​ത്. കൊ​ല്ലം ജി​ല്ല​യി​ലെ വെ​ട്ടി​ക്ക​വ​ല സ്വ​ദേ​ശി​യാ​യ യു​വാ​വി​ന് മ​ലേ​ഷ്യ​യി​ൽ സ്റ്റോ​ർ കീ​പ്പ​ർ ജോ​ലി​ക്കു​ള്ള വി​സ​യും ടി​ക്ക​റ്റും വാ​ഗ്ദാ​നം ചെ​യ്ത 95,000 രൂ​പ ത​ട്ടി​യ കേ​സി​ലാ​ണ് ന​ട​പ​ടി.

അ​ന്വേ​ഷ​ണ​ത്തി​നി​ടെ ക​ന്യാ​കു​മാ​രി സ്വ​ദേ​ശി​നി​യി​ൽ​ നി​ന്ന്​ ഭ​ർ​ത്താ​വി​ന് മ​ലേ​ഷ്യ​യി​ൽ ജോ​ലി​ ന​ൽ​കാ​മെ​ന്ന് പ​റ​ഞ്ഞ് 50,000 രൂ​പ​യും ഇ​ലി​പ്പ​ക്കു​ളം ചൂ​നാ​ട് സ്വ​ദേ​ശി​ക​ളാ​യ യു​വാ​ക്ക​ൾ​ക്ക് അ​യ​ർ​ല​ൻ​ഡി​ൽ ജോ​ലി​ ന​ൽ​കാ​മെ​ന്ന് പ​റ​ഞ്ഞ് നാ​ലു​ല​ക്ഷം രൂ​പ​യും കൊ​ട്ടാ​ര​ക്ക​ര വെ​ളി​യം സ്വ​ദേ​ശി​യി​ൽ ​നി​ന്ന്​ ഒ​രു​ ല​ക്ഷം രൂ​പ​യും ത​ട്ടി​യെ​ടു​ത്ത​താ​യി തെ​ളി​ഞ്ഞി​ട്ടു​ണ്ട്. ഇ​യാ​ളു​ടെ ഭാ​ര്യ അ​നി​ത കേ​സി​ൽ ര​ണ്ടാം ​പ്ര​തി​യാ​ണ്. ട്രാ​വ​ൽ​സി​ൽ​വെ​ച്ചും അ​നി​ത​യു​ടെ പേ​രി​ലു​ള്ള ബാ​ങ്ക്​ അ​ക്കൗ​ണ്ടി​ലൂ​ടെ​യാ​ണ് പ​ണ​മി​ട​പാ​ട്​ ന​ട​ത്തി​യി​ട്ടു​ള്ള​ത്.

തി​രു​വ​ന​ന്ത​പു​രം മു​ത​ൽ എ​റ​ണാ​കു​ളം വ​രെ​യു​ള്ള ജി​ല്ല​ക​ളി​ലെ നി​ര​വ​ധി പേ​രി​ൽ നി​ന്നും ഇ​ത്ത​ര​ത്തി​ൽ പ​ണ​വും പാ​സ്പോ​ർ​ട്ടും ത​ട്ടി​യെ​ടു​ത്ത​താ​യി വി​വ​രം ല​ഭി​ച്ചി​ട്ടു​ണ്ട്. സ്ഥാ​പ​ന​ത്തി​ന് ട്രാ​വ​ൽ ഏ​ജ​ൻ​സി ന​ട​ത്തു​ന്ന​തി​നോ വി​ദേ​ശ​ത്തേ​ക്ക് ആ​ളു​ക​ളെ റി​ക്രൂ​ട്ട് ചെ​യ്യു​ന്ന​തി​നോ ലൈ​സ​ൻ​സ് ല​ഭി​ച്ചി​ട്ടി​ല്ലെന്നും അ​ന്വേ​ഷ​ണ​ത്തി​ൽ ക​ണ്ടെ​ത്തി​യി​ട്ടു​ണ്ട്.