കൊച്ചി: രാജ്യത്തുടനീളമുള്ള വാഹനപ്രേമികൾക്ക് 4×4 ഡ്രൈവിംഗ് അനുഭവം വാഗ്ദാനം ചെയ്യുന്ന തങ്ങളുടെ ആദ്യ സംരംഭം പ്രഖ്യാപിച്ച് ടൊയോട്ട കിർലോസ്കർ മോട്ടോഴ്സ്. “ഗ്രാൻഡ് നാഷണൽ 4×4 എക്സ്-പെഡിഷൻ” എന്ന പേരിൽ ഈ വർഷം രാജ്യത്ത് നാല് സോണുകളിലായാണ് (നോർത്ത്, സൗത്ത്, വെസ്റ്റ്, ഈസ്റ്റ്) ടൊയോട്ട എക്സ്പീരിയൻസ് ഡ്രൈവ് സംഘടിപ്പിക്കുന്നത്. രാജ്യവ്യാപകമായി 4×4 എസ്‌യുവി കമ്മ്യൂണിറ്റിയുമായി  രൂപകൽപ്പന ചെയ്തിരിക്കുന്ന ഡ്രൈവുകൾ ആവേശകരവും പ്രചോദനപരവുമായ അനുഭവം വാഗ്ദാനം ചെയ്യുന്നു. ഈ സംരംഭത്തിലൂടെ ഡ്രൈവിന്റെ ഭാഗമാകുന്ന സാഹസികത ഇഷ്ടപ്പെടുന്നവരെ ഒത്തുചേർക്കാനും അവരുടെ അതിരുകൾ ഭേദിച്ച് പുത്തൻ പര്യവേക്ഷണങ്ങൾ ചെയ്യാനും ടൊയോട്ട കിർലോസ്കർ മോട്ടോഴ്സ് ലക്ഷ്യമിടുന്നു.

ടൊയോട്ടയുടെ എസ്യുവികളായ ഹൈലക്സ്, ഫോർച്യൂണർ 4×4, എൽസി 300,  ഹൈറൈഡർ എഡബ്ല്യൂഡി അടക്കമുള്ള വാഹനങ്ങളടങ്ങുന്ന വാഹനവ്യൂഹം ഓരോ സോണിലും നടക്കുന്ന പരിപാടിയിൽ അവതരിപ്പിക്കും. കൂടാതെ, ടൊയോട്ട ഇന്ത്യയിൽ ആദ്യമായി സംഘടിപ്പിക്കുന്ന ഗ്രേറ്റ് 4×4 എക്‌സ്-പെഡിഷന്റെ ഭാഗമാകുന്ന മറ്റ് എസ്‌യുവി ബ്രാൻഡ് ഉടമകളുടെ പങ്കാളിത്തം ഈ എക്‌സ്പീരിയൻഷ്യൽ ഡ്രൈവിന്റെ പ്രത്യേകതയാണ്. പരമാവധി ഓഫ്-റോഡ് അനുഭവം വാഗ്ദാനം ചെയ്യുന്നതിന് ആർട്ടിക്കുലേഷൻ, സൈഡ് ഇൻക്ലൈനുകൾ, റാംബ്ലർ, ഡീപ് ഡിച്ച്, സ്ലഷ്, റോക്കി ബെഡ് തുടങ്ങി നിരവധി വെല്ലുവിളി നിറഞ്ഞ തടസ്സങ്ങളോടെ അധിക 4 ഡബ്ല്യൂഡി ട്രാക്കുകളും ടൊയോട്ട സൃഷ്ടിച്ചിട്ടുണ്ട്.