ഇസ്‌ലാമാബാദ്: പാകിസ്ഥാനിൽ പാർലമെന്റ് പിരിച്ചുവിട്ടു. പ്രധാനമന്ത്രി ഷഹബാസ് ഷരീഫിന്റെ നിർദേശപ്രകാരമാണ് പാർലമെന്റ് പിരിച്ചുവിട്ടത്. ഇടക്കാല സർക്കാർ രൂപീകരിക്കാൻ പ്രസിഡന്റ് ആരിഫ് അൽവി നിലവിലെ സർക്കാരിനു മൂന്നു ദിവസത്തെ സമയം നൽകി. 90 ദിവസത്തിനുള്ളിൽ തിരഞ്ഞെടുപ്പ് നടത്താൻ തിരഞ്ഞെടുപ്പ് കമ്മിഷനും നിർദേശം നൽകിയിട്ടുണ്ട്.

അതേസമയം, തിരഞ്ഞെടുപ്പ് അടുത്ത വർഷത്തിലേ നടത്താൻ സാധിക്കൂവെന്ന് പിരിച്ചുവിട്ട സർക്കാർ അറിയിച്ചു. കാലാവധി പൂർത്തിയാക്കുന്നതിനു 3 ദിവസം മുൻപാണ് പിരിച്ചുവിട്ടത്. കാലാവധി തീരും മുൻപേ പാർലമെന്റ് പിരിച്ചുവിട്ടാൽ 90 ദിവസത്തിനകം പൊതുതിരഞ്ഞെടുപ്പു നടത്തിയാൽ മതിയാകും. കാലാവധി പൂർത്തിയാക്കിയ ശേഷമാണെങ്കിൽ 60 ദിവസത്തിനകം തിരഞ്ഞെടുപ്പ് നടത്തണം.