മസ്​കറ്റ്: ഒമാന്‍റെ ബജറ്റ്​ എയർ വിമാനമായ സലാം എയറിന്‍റെ മസ്കറ്റ്​-തിരുവനന്തപുരം സർവിസ്​ ജനുവരി മൂന്ന്​ മുതൽ തുടങ്ങും. ആഴ്ചയിൽ രണ്ട്​ സർവിസുകളായിരിക്കും ഉണ്ടാകുക. ടിക്കറ്റ്​ ബുക്കിങ്ങ്​ തുടങ്ങിയിട്ടുണ്ട്​.

ബുധൻ, ഞായർ ദിവസങ്ങളിൽ മസ്കത്തിൽ നിന്ന്​ രാത്രി 10.15ന്​ പുറപ്പെടുന്ന വിമാനം പുലർച്ചെ 3.25ന്​ തിരുവനന്തപുരത്തെത്തും. 66.20 റിയാലാണ്​ ടിക്കറ്റ്​ നിരക്ക്​. ഇതിൽ ഏഴ്​ കിലോ ഹാൻഡ്​ ബാഗും 20 കിലോ ചെക്ക്​ ഇൻ ലഗേജും കൊണ്ടുപോകാൻ കഴിയും. ഏഴ്​ റിയാൽ അധികം നൽകിയാൽ ചെക്ക്​ ഇൻ ലഗേജ്​​ 30 കിലോ ആക്കി ഉയർത്താനും സാധിക്കും.

തിരുവനന്തപുരത്തുനിന്ന്​ മസ്കത്തിലേക്ക്​ തിങ്കൾ, വ്യാഴം ദിവസങ്ങളിലായിരിക്കും സർവിസ്​. പുലർച്ചെ 4.10ന്​ പുറപ്പെടുന്ന വിമാനം രാവിലെ 6.30ന്​ മസ്കത്തിൽ എത്തും. 115.50റിയാലാണ്​ ടിക്കറ്റ്​ നിരക്ക്​.

Leave a Reply

Your email address will not be published. Required fields are marked *