ലാഹോർ: പാക്കിസ്ഥാന്റെ സാമ്പത്തിക പ്രതിസന്ധിക്കു പിന്നിൽ ഇന്ത്യയോ യുഎസോ അല്ലെന്ന് പാക് മുൻ പ്രധാനമന്ത്രി നവാസ് ഷരീഫ്. പാക്കിസ്ഥാൻ മുസ്‌ലിം ലീഗ് നവാസ് (പിഎംഎൽ-എൻ) പ്രവർത്തകരുമായുള്ള സംവാദത്തിനിടെയായിരുന്നു അദ്ദേഹത്തിന്റെ പരാമർശം.

‘‘പാക്കിസ്ഥാന്റെ ഇന്നത്തെ സാമ്പത്തിക പ്രതിസന്ധിക്കു കാരണം ഇന്ത്യയോ യുഎസോ അഫ്ഗാനിസ്ഥാനോ അല്ല. വാസ്തവത്തിൽ, നമ്മള്‍ തന്നെ നമ്മുടെ കുഴി തോണ്ടുകയായിരുന്നു. 2018 ലെ തിരഞ്ഞെടുപ്പിൽ കൃത്രിമം നടത്തി ഒരു സർക്കാരിനെ ഈ രാജ്യത്തിനുമേൽ കെട്ടിയേൽപ്പിച്ചു. അത് ജനങ്ങളുടെ കഷ്ടപ്പാടുകൾക്കും സമ്പദ്‌വ്യവസ്ഥയുടെ തകർച്ചയ്ക്കും കാരണമായി.’’– അദ്ദേഹം പറഞ്ഞു.

കഴിഞ്ഞയാഴ്ച, അൽ അസീസിയ സ്റ്റീൽ മിൽ അഴിമതിക്കേസില്‍ ഇസ്‌ലാമാബാദ് ഹൈക്കോടതി ഷരീഫിനെ (73) കുറ്റവിമുക്തനാക്കിയിരുന്നു. ഇതോടെ മുസ്​ലിം ലീഗ് നവാസ് ഷരീഫ് പാർട്ടി അധ്യക്ഷന്‍ കൂടിയായ ഷരീഫ് നാലാം തവണയും പ്രധാനമന്ത്രിയാകാൻ സാധ്യതയേറി. ഫെബ്രുവരിയിലാണ് പൊതു തിരഞ്ഞെടുപ്പ്. ഇതിനിടെയാണ് അദ്ദേഹത്തിന്റെ പരാമർശം.

Leave a Reply

Your email address will not be published. Required fields are marked *