El papa Francisco, en una imagen de archivo. EFE/RICCARDO ANTIMIANI

റോം: വാടക ഗർഭധാരണം ആഗോളതലത്തിൽ നിരോധിക്കണമെന്ന് ഫ്രാൻസിസ് മാർപാപ്പ. ഗർഭധാരണത്തെ വാണിജ്യവൽക്കരിക്കുന്നതും സ്ത്രീകളുടെയും കുട്ടികളുടെയും ആത്മാഭിമാനത്തെ ഹനിക്കുന്നതുമാണ് വാടക ഗർഭധാരണം. വത്തിക്കാനിലെ മറ്റു രാജ്യങ്ങളുടെ പ്രതിനിധികളുമായുള്ള യോഗത്തിലാണ് മാർപാപ്പ ഇക്കാര്യം വ്യക്തമാക്കിയത്.

ഓരോ ശിശുവും മഹത്തായ ദാനമാണെന്നും ഗർഭസ്ഥശിശുവിനെ കച്ചവടച്ചരക്കാക്കുന്നത് ക്രൂരമാണെന്നും മാർപാപ്പ പറഞ്ഞു. യുക്രെയ്നിലെ റഷ്യൻ യുദ്ധം, ഹമാസ്– ഇസ്രയേൽ യുദ്ധം, കുടിയേറ്റം, കാലാവസ്ഥാ പ്രതിസന്ധി, അധാർമികമായി ആണവായുധങ്ങളും മറ്റ് ആയുധങ്ങളും നിർമിക്കുന്നത് തുടങ്ങി ലോക സമാധാനത്തിന് വെല്ലുവിളിയാകുന്ന ഒട്ടേറെ പ്രതിസന്ധികളിലൂടെയാണ് നാം കടന്നുപോകുന്നത്. ഗാസയിലെ ജനങ്ങളുടെ ദുരിതം പ്രത്യേകം പരാമർശിച്ച മാർപാപ്പ യുദ്ധം ഉടൻ അവസാനിപ്പിക്കണമെന്നും അഭ്യർഥിച്ചു.

 

Leave a Reply

Your email address will not be published. Required fields are marked *