ചെന്നൈ: തമിഴ്നാട്ടിൽ പൊങ്കലിന് 1000 രൂപ സമ്മാനമായി പ്രഖ്യാപിച്ച് മുഖ്യമന്ത്രി എം.കെ.സ്റ്റാലിൻ. എല്ലാ റേഷൻ കാർഡ് ഉടമകൾക്കും പൊങ്കൽ കിറ്റിനൊപ്പം ആയിരം രൂപ നൽകുമെന്നാണ് പ്രഖ്യാപനം. നേരത്തെ പൊങ്കൽ കിറ്റിൽ ഒരു കിലോ വീതം അരിയും പഞ്ചസാരയും ഒരു കരിമ്പുമാണ് പ്രഖ്യാപിച്ചിരുന്നത്. ഇതിൽ പ്രതിപക്ഷം പ്രതിഷേധം അറിയിച്ചതോടെയാണ് കിറ്റിനൊപ്പം പണവും ഉൾപ്പെടുത്തിയത്.

വീട്ടമ്മമാർക്ക് പ്രഖ്യാപിച്ചിരുന്ന 1000 രൂപയും പൊങ്കലിനു മുൻപ് ബാങ്ക് അക്കൗണ്ടിൽ എത്തുമെന്നും സ്റ്റാലിൻ അറിയിച്ചു. സാധാരണയായി എല്ലാ മാസവും 15നാണ് വീട്ടമ്മമാർക്കുള്ള വേതനം നൽകിയിരുന്നത്. ഈ മാസം പത്തിനു പണം അക്കൗണ്ടിൽ എത്തുമെന്നാണ് അറിയിപ്പ്. പൊങ്കൽ കിറ്റിനൊപ്പം ആവശ്യക്കാർക്ക് വസ്ത്രങ്ങളും സൗജന്യമായി വിതരണം ചെയ്യാനുള്ള തയാറെടുപ്പുകൾ നടക്കുന്നതായി മുഖ്യമന്ത്രി അറിയിച്ചു.

Leave a Reply

Your email address will not be published. Required fields are marked *